રાહુલ ગાંધીનો નવો લૂક! જાણો ક્યાં પહોંચ્યા રાહુલ ગાંધી
3
0
હવે ટી શર્ટ નહીં પણ શૂટ-બુટમાં જુઓ રાહુલ ગાંધીને
ભારત જોડો યાત્રાનો લુક બદલાવી હળવી દાઢી અને ટૂંકા વાળમાં નજરે પડ્યા
ભારત જોડો યાત્રા દરમિયાન પોતાના લાંબા વાળ અને દાઢીવાળા લુકમાં દેખાયા બાદ રાહુલ ગાંધીનો નવો લુક સામે આવ્યો છે. લંડનની કેમ્બ્રિજ યુનિવર્સિટીમાં એક ઈવેન્ટમાં પહોંચતા પહેલા પણ તેણે આ લુક રાખ્યો છે.
સોશિયલ મીડિયા પર વાયરલ થઈ રહેલી તસવીરોમાં રાહુલ ગાંધી ટૂંકા વાળ અને કપાયેલી દાઢી અને મૂછમાં જોઈ શકાય છે. રાહુલ અહીં તેના ટ્રેડમાર્ક સફેદ ટી-શર્ટને બદલે કોટ-ટાઈમાં જોવા મળ્યો હતો. તેના આ લુકને સોશિયલ મીડિયા પર ખૂબ પસંદ કરવામાં આવી રહ્યો છે.
રાહુલ ગાંધી એક સપ્તાહની મુલાકાતે મંગળવારે બ્રિટન પહોંચ્યા હતા. તેઓ અહીં કેમ્બ્રિજ યુનિવર્સિટીને સંબોધિત કરશે અને અહીંના ભારતીય પ્રવાસી સમુદાય સાથે વાર્તાલાપ કરશે. ગાંધી યુનિવર્સિટીમાં 21મી સદીમાં સાંભળવા શીખવા વિશે વ્યાખ્યાન આપવા માટે કેમ્બ્રિજ જજ બિઝનેસ સ્કૂલ (કેમ્બ્રિજ જેબીએસ) ખાતે વિઝિટિંગ ફેલો તરીતે જઈ રહ્યા છે.
કેમ્બ્રિજ જેબીએસએ મંગળવારે ટ્વીટ કર્યું, ‘ભારતના અગ્રણી વિપક્ષી નેતા અને ભારતીય રાષ્ટ્રીય કોંગ્રેસના સાંસદ રાહુલ ગાંધીનું અમારા કેમ્બ્રિજ MBA પ્રોગ્રામનું સ્વાગત કરતાં ઘણો આનંદ થાય છે. તેઓ આજે 21મી સદીમાં લર્નિંગ ટુ લિસન પર કેમ્બ્રિજ જેબીએસના વિઝિટિંગ ફેલો તરીકે બોલશે.’ 52 વર્ષીય કોંગ્રેસ નેતાએ છેલ્લી વખત તેમની યુકેની મુલાકાત દરમિયાન કોર્પસ ક્રિસ્ટી કોલેજ ખાતે ‘ઈન્ડિયા એટ 75’ શીર્ષકના કાર્યક્રમમાં વાત કરી હતી. ગયા વર્ષે મે મહિનામાં મેં કેમ્બ્રિજ યુનિવર્સિટીને સંબોધિત કર્યું હતું.
