દવાના નામે દારૂનું ટ્રાન્સપોર્ટેશન! પોલીસથી બચવા દારૂની હેરફેરની નવી મોડસ ઓપરેન્ડીસામે આવી
0
0
અસલાલી પોલીસે ટ્રાન્સપોર્ટ કંપનીના મેનેજરની ફરિયાદના આધારે ગુનો નોંધી તપાસ શરૂ કરી
રાજ્યમાં પડોશી રાજ્યોથી દારૂનો જથ્થો ના પહોંચે તે માટે પોલીસ દ્વારા સઘન ચેકીંગ અને વોચ ગોઠવવામાં આવે છે. ત્યારે બુટલેગરો રાજ્યમાં દારૂ લાવવા માટે અવનવા કિમીયા અજમાવતા હોય છે. રાજસ્થાન અને પંજાબ થી આવતા દારૂ પર પોલીસની નજર વધતા હવે બુટલેગરો નવી મોડસઓપરેન્ડી અપનાવી રહ્યા છે. જેમાં અસલાલી પોલીસે એક ટ્રાન્સપોર્ટ કંપનીમાં આવેલા દવાના 10 બોક્સમાંથી રૂપિયા બે લાખનો દારૂ જપ્ત કર્યો હતો. હરિયાણાના સ્થાનિક બુટલે ઘરે રાજકોટના એક બુટલેગરને મેડિકલ સ્ટોરના નામે આ દારૂનો જથ્થો મોકલ્યો હતો. જે અંગે પોલીસે ગુનો નોંધી વધુ તપાસ હાથ ધરી છે.
આ બનાવની વિગતે એવી છે કે અસલાલીમાં આવેલી ઓક્સિજન લોજિસ્ટિક રીમેઝીંગ કંપનીના મેનેજર અંકિત શુક્લાને સ્થાનિક સ્ટાફે કહ્યું હતું કે હરિયાણા થી આવેલા એક પાર્સલમાં દવાનો ઉલ્લેખ કરેલ છે પરંતુ તેમાં મોટા પાયલ લિક્વિડ હોવાની શક્યતા છે. જેથી શંકા ને આધારે તેમણે અસલાલી પોલીસને જાણ કરી હતી. અને પોલીસે તપાસ કરતા 10 બોક્સમાંથી રૂપિયા બે લાખની દારૂની 120 જેટલી બોટલો મળી આવી હતી. આ પાર્સલ માર મેડિકલ સ્ટોર સરસ્વતી સમાજ હરિયાણા થી પાર્સલ કરાયું હતું અને શિવ શક્તિ મેડિકલ સ્ટોર નવાગામ રાજકોટ પહોંચાડવાનું હતું. પોલીસના આશંકા છે કે ટ્રાન્સપોર્ટ કંપનીમાં અગાઉ પણ આ રીતે પાર્સલ મોકલાયાની શક્યતા છે. જેથી પોલીસે હરિયાણા થી સીસીટીવી તેમજ અન્ય દસ્તાવેજો મંગાવીને તપાસ શરૂ કરી છે.
