અમદાવાદ સિવિલ હોસ્પિટલમાં છેલ્લા 10 મહિનામાં 20મું અંગદાન! ૬૮ જુદા જુદા અંગોથી ૫૪ લોકોને મળ્યો લાભ

0
અમદાવાદ સિવિલ હોસ્પિટલમાં છેલ્લા 10 મહિનામાં 20મું અંગદાન! ૬૮ જુદા જુદા અંગોથી ૫૪ લોકોને મળ્યો લાભ
Views: 72
0 0
Spread the love

Read Time:3 Minute, 23 Second
Views 🔥 અમદાવાદ સિવિલ હોસ્પિટલમાં છેલ્લા 10 મહિનામાં 20મું અંગદાન! ૬૮ જુદા જુદા અંગોથી ૫૪ લોકોને મળ્યો લાભ


સિવિલ હોસ્પિટલમાં ૨૦ મું અંગદાન

મૂળ રાજસ્થાનના ૪૬ વર્ષીય બ્રેઇનડેડ મહિલાના અંગોના દાનથી ઘણાં દર્દીઓના જીવનમાં ઉજાસ પથરાશે

સિવિલ હોસ્પિટલની SOTTOની ટીમ દ્વારા બ્રેઇનડેડ દર્દીના પરિવારજનોને અંગદાનનું મહત્વ સમજાવતા પરિવારજનોએ આ મહાદાન  કરવા માટે સંમતિ દર્શાવી

છેલ્લાં ૧૦ મહિના દરમિયાન સિવિલ હોસ્પિટલમાં ૨૦ લોકોના શરીરમાંથી મેળવેલા ૬૮ જુદા જુદા અંગથી જુદા જુદા ૫૪ લોકોના જીવ બચ્યાં-સિવિલ સુપ્રિટેન્ડન્ટ ડૉ. રાકેશ જોષી

અમદાવાદ: આપણા સમાજમાં કહેવાય છે કે જરૂરિયાતમંદ માણસની વહારે ઇશ્વર વિવિધ સ્વરૂપથી મદદ કરવા આવે છે. અંગદાનના કિસ્સામાં અંગદાતા એવા બ્રેઇનડેડ દર્દીઓ એ અંગદાન મેળવનાર દર્દીઓ માટે ઇશ્વરતુલ્ય જ હોય છે, કેમકે આવા દાનથી તેમની જીંદગી ફરી વસંતની માફક ખિલી ઉઠે છે. તેથી જ અંગદાનને જીવનદાનની સમકક્ષ ગણાયું છે.

અમદાવાદ સિવિલ હોસ્પિટલમાં અંગદાનની પ્રવૃત્તિ વેગ પકડી રહી છે. છેલ્લાં ૧૦ મહિના દરમિયાન આજ દિન સુધીમાં સિવિલ હોસ્પિટલમાં ૨૦ લોકોના શરીરમાંથી મેળવેલા ૬૮ જુદા જુદા અંગથી જુદા જુદા ૫૪ લોકોના જીવ બચાવવામાં આવ્યા છે.

લેટેસ્ટ અંગદાનની વિગતો આપતા સિવિલ સુપ્રિટેન્ડેન્ટ ડૉ.રાકેશ જોષી જણાવે છે કે, મૂળ ડૂંગરપુર, રાજસ્થાન ના ૪૬ વર્ષીય બસુબેન કલાસુઆનો ૨૧ નવેમ્બરના રોજ રાજસ્થાનમાં અકસ્માત થતાં પ્રાથમિક સારવાર અર્થે પ્રાથમિક આરોગ્ય કેન્દ્ર ડુંગરપુર ત્યારબાદ વધુ સારવાર અર્થે હિંમતનગરની સિવિલ હોસ્પિટલમાં ખસેડવામાં આવ્યા હતા. સ્થિતિ વધુ ગંભીર બનતાં અમદાવાદની સિવિલ હોસ્પિટલમાં સારવાર અર્થે લાવવામાં આવ્યા. જ્યાં ૨૩ નવેમ્બર ના રોજ તેઓને બ્રેઈનડેડ જાહેર કરાયા હતા. બ્રેઈનડેડ જાહેર થતાં તેમના પરિવારજનોને સિવિલ હોસ્પિટલની SOTTO(State Organ Tissue Transplant Organization)ની ટીમ દ્વારા અંગદાનનું મહત્વ સમજાવીને અંગદાન માટે પ્રેરવામાં  આવ્યા હતા. બસુબેનના પરિવારજનો દ્વારા અંગદાન ની સંમતિ દર્શાવતા તેમની બંને કિડની, બે ફેફસા અને લીવરના અંગોનું દાન મેળવવામાં સફળતા મળી હતી.
આ અંગોનું હવે વિવિધ જરૂરિયાતમંદ દર્દીઓના શરીરમાં આરોપણ કરાશે. જ્યારે બંને ફેફસાને ગ્રીન કોરિડોર કરી ચાર્ટર્ડ ફ્લાઈટ મારફતે હૈદરાબાદના દર્દીમાં પ્રત્યારોપણ કરવા માટે મોકલવામાં આવ્યા હતા.અને એ રીતે અનેક જીવનમાં ફરી ખુશહાલીનો રંગ છવાશે. 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Spread the love

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *