રાજસ્થાન કોંગ્રેસ ધારાસભ્યના પુત્રની ધરપકડ! સગીરા સાથે ગેંગરેપનો આરોપ
0
0
રાજસ્થાન: 09’01’2023
રાજસ્થાનની દૌસા પોલીસે કોંગ્રેસના ધારાસભ્ય જોહરી લાલ મીણાના પુત્ર દીપક મીણાની ધરપકડ કરી છે. દિપક મિણા ઉપર ગેંગ રેપનો આરોપ લાગ્યો છે. પોલીસે દીપકની ધરપકડ કરી દૌસાની પોક્સો કોર્ટમાં રજૂ કર્યો હતો. પોક્સો કોર્ટના જજ અનુ અગ્રવાલે તેને જેલમાં મોકલવાના નિર્દેશ આપ્યા છે. દીપક મીણા પર માર્ચમાં તેના મિત્રો સાથે મળીને એક વિદ્યાર્થિની પર ગેંગરેપ કરવાનો આરોપ છે.
રાજસ્થાનના રાજગઢ કોંગ્રેસના ધારાસભ્ય જોહરી લાલ મીણાના પુત્ર દીપક મીણાની દૌસા પોલીસે ધરપકડ કરી છે. તેના પર તેના મિત્રો સાથે મળીને એક સગીર સાથે ગેંગરેપ કરવાનો આરોપ છે. સોમવારે તેને દૌસાની પોક્સો કોર્ટમાં રજૂ કરવામાં આવ્યો હતો.
મળતી માહિતી મુજબ માર્ચ 2022માં સમલેટી હોટલમાં ધોરણ 10માં ભણતી એક વિદ્યાર્થીની પર સામૂહિક બળાત્કાર થયો હતો. પીડિતાના સંબંધીઓએ વિવેક શર્મા, દીપક મીના અને નેત્રમ સમલેતી વિરુદ્ધ મંદવાર પોલીસ સ્ટેશનમાં કેસ નોંધાવ્યો હતો. સગીર વિદ્યાર્થિની પર થયેલા ગેંગરેપમાં ધારાસભ્યના પુત્રનું નામ સામે આવતા રાજસ્થાનના રાજકારણમાં ખળભળાટ મચી ગયો છે.
કેસની તપાસ કર્યા બાદ પોલીસે આરોપી વિવેક શર્મા અને નરેશ સમલેટીની ધરપકડ કરી લીધી હતી. સાથે જ ધારાસભ્યના પુત્ર દીપક મીણાને આરોપી ગણીને કોર્ટમાં ચાર્જશીટ રજૂ કરવામાં આવી હતી. આ પછી, દૌસાની પોક્સો કોર્ટમાં ફરિયાદીના વકીલ વિનોદ કુમાર બંશીવાલે કલમ 190 હેઠળ આરોપી દીપક વિરુદ્ધ ધરપકડ વોરંટ જારી કરવાની અરજી રજૂ કરી.
પીડિતાના વકીલે રાજસ્થાન હાઈકોર્ટનો સંપર્ક કર્યો હતો. આ પછી રાજસ્થાન હાઈકોર્ટે નિર્દેશ આપ્યો કે દૌસા પોલીસ આરોપી દીપક મીણાની 23 જાન્યુઆરી સુધીમાં ધરપકડ કરે. જો આમ કરવામાં નહીં આવે તો દૌસાના એસપીએ પોતે હાઈકોર્ટમાં હાજર થવું જોઈએ. આ પછી દૌસા પોલીસ સક્રિય બની હતી.
પોક્સો કોર્ટે જેલમાં મોકલી આપવાનો હુકમ કર્યો હતો. ત્યાર બાદ આજે દૌસાના મહુઆમાં પોલીસ નાકાબંધી દરમિયાન ધારાસભ્યના પુત્રની ધરપકડ કરવામાં આવી હતી. આ પછી પોલીસે તેને દૌસાની પોક્સો કોર્ટમાં રજૂ કર્યો હતો. પોક્સો કોર્ટના ન્યાયાધીશ અનુ અગ્રવાલે દિપક મીનાને જેલમાં મોકલવાની સૂચના આપી હતી.
