પોલીસ અધિકારીને મનપસંદ કાર ગિફ્ટ ના મામલે ગુપ્ત રાહે તપાસની ચર્ચા….

શહેરના મધ્યમાં આવેલા એક જીમખાનના સંચાલકે એક પોલીસ અધિકારીને મનપસંદ કાર ગિફ્ટ કર્યાના મામલે ગુપ્ત રાહે તપાસ શરૂ થઈ હોવાની પોલીસ બેડામાં ચર્ચા ચાલી રહી છે. સૂત્રો જણાવે છે કે, જીમખાનના એક સંચાલકે પોતાના માટે લીધી હતી તેવી જ મોંઘી સફેદ કાર પોલીસ અધિકારીને ગિફ્ટ કરી હતી.

ઉલ્લેખનીય છે કે, ધી મોબાઇલ ન્યુઝ દ્વારા થોડા દિવસ અગાઉ એક પોલીસ અધિકારીને એક જીમખાનના સંચાલકે મોંઘીદાટ કાર ગિફ્ટ કરી હોવાના સમાચાર પ્રકાશમાં લાવવામાં આવ્યા હતા. ત્યારબાદ નવા આવેલા એક કડક અને ઈમાનદાર ઉચ્ચ પોલીસ અધિકારીએ આ મામલે ગુપ્ત રાહે તપાસ કરી રિપોર્ટ કરવાની કામગીરી એક પોલીસ એજન્સીને સોંપી હતી. જે મામલે તપાસ કરીને એજન્સીએ આ અંગેનો સમગ્ર અહેવાલ નવા આવેલા ઉચ્ચ પોલીસ અધિકારીને સોંપ્યો હોવાનું તપાસ એજન્સીના સૂત્રો જણાવે છે.