CM નીકળ્યા કોમનમેનની મુલાકાતે! લોકોએ કહ્યું તમે આવ્યા બીજું કોઈ દેખવા પણ નથી આવતું
0
0
મુખ્યમંત્રી ભુપેન્દ્રભાઈ પટેલ દ્વારા ઓચિંતી મુલાકાત કરવામાં આવી
વડોદરા : રાજયમાં હવે વિધાનસભા ચૂંટણીને આડે ગણતરીનો સમય બાકી છે. બીજી તરફ કૉંગ્રેસ આમ આદમી પાર્ટીની રણનીતિની સીધી અસર ગુજરાતના મુખ્યમંત્રી ભુપેન્દ્રભાઈ પટેલ ઉપર પણ થઈ રહી છે. આજે મુખ્યમંત્રીની એક વાતે સૌ કોઈ ચર્ચા કરતા થઈ ગયા.
મુખ્યમંત્રીનો આ કોઈ કાર્યક્રમ નહોતો પરંતુ અચાનક જ તેમને આ મુલાકાત લીધી હતી સ્થાનિક પ્રશાસનને જાણ કર્યા વિના તેઓ સીધા જ આ ઝૂંપડપટ્ટીમાં પહોંચી ગયા હતા અગાઉ પણ તેઓ અમદાવાદમાં બાંકડા પર બેસીને સામાન્ય માણસની જેમ સ્થાનિકો સાથે ચર્ચા કરતા જોવા મળ્યા હતા.
જો કે, આ વખતે તેઓ ઝૂંપડપટ્ટીમાં પહોંચ્યા હતા. તેઓ ખુદ એક પાયાના કાર્યકર છે. જેથી અહીં તેમને સ્થાનિક લોકો સાથે વાતચીત કરી હતી અને પરિસ્થિતિનો તાગ મેળવ્યો હતો. સ્થાનિક પ્રશાસન, ધારાસભ્યો, પ્રતિનિધીને કહેવામાં નહોતું આવ્યું કે તેઓ અહીં આવી રહ્યા છે. તેમને સ્લમ વિસ્તારના લોકોને ખુદ જઈને સાંભળ્યા હતા.
ભૂપેન્દ્ર પટેલે ફેસબૂક પર લખ્યું હતું કે, આજે વડોદરાના પ્રવાસ દરમિયાન એકતાનગર સેવા વસ્તી તેમજ સુખીપુરા ગામની આકસ્મિક મુલાકાત લઈ પ્રજાજનોની સમસ્યા જાણવાનો પ્રયાસ કર્યો હતો.
