1
0
મોટા મહેલો અને માલેતુજાર માહોલમાં રહી ને પણ અનોખી દૃષ્ટિ
અમદાવાદ: નવરાત્રિનાં ઢોલ હજી હમણાં જ શાંત થયા છે ત્યારે નવરાત્રીની ઝગમગાટમાં પણ એક શિક્ષકે પોતાની પત્ની અને પુત્રી સાથે મળી સમાજમાં દાખલા રૂપ નવદુર્ગાની સેવા અને અર્ચના કરી.
દેશભરમાં અલગ અલગ પ્રકારે નવરાત્રી દરમ્યાન નવદુર્ગાની પૂજા અને ભક્તિ કરવામાં આવે છે. કેટલાક લોકો મંદિરમાં જઈને માં અંબાની આરાધના કરે છે. તો, કેટલાક લોકો નવરાત્રીના ઉપવાસ કરી માતાજીની પૂજા કરે છે. અને તેમાંય વળી નવરાત્રી દરમિયાન કુંવારી કન્યાઓની પૂજા અર્ચના કરવાનું અલગ જ મહત્વ છે.
મોટાભાગે લોકો નવરાત્રીમા પોતાની આસપાસ રહેતી કુંવારી કન્યાઓની પૂજા અર્ચના કરી અને કન્યાઓને ભરપેટ જમાડી અને ભેટ સોગાદ આપી માતાજીને ખુશ કરવાનો પ્રયત્ન કરે છે. ત્યારે, રાજ્યના શિક્ષણ વિભાગના અધિકારી દુષ્યંત રાવલ અને તેમની પત્ની નિશા રાવલ, તેમની પુત્રી હેત રાવલ, નાંદી રાવલ અને પુત્ર અથર્વ રાવલ દ્વારા આજના શુભ પ્રસંગે કન્યા પૂજન કરવામાં આવ્યું છે, જે નવરાત્રીના અંતિમ દિવસે દશેરા પર્વે ઉજવવામાં આવ્યું જે સમાજ માટે ઉદાહરણ રૂપ સાબિત થઈ રહ્યું છે.
વસ્ત્રાપુર સેટેલાઇટ જેવા ધનાઢય વિસ્તારમાં રહેતા રાવલ પરિવાર આર્થિક અને ધાર્મિક બન્ને બાબતે સંપન્ન હોવાની ચર્ચા થઈ રહી છે. કારણકે નવરાત્રી બાદ રાવલ પરિવારે ગરીબ અને ઝૂંપપટ્ટીમાં જઈને જાહેર રોડ ઉપર નાની નાની ગરીબ કન્યાઓને, નવદુર્ગાનું સ્વરૂપ માની ગરીબ કન્યાઓની પૂજન કરી શ્રેષ્ઠ આદર અર્પણ કર્યો છે. દુષ્યંત અને નિશા રાવલના પરિવાર દ્વારા આ કન્યાઓને શ્રૃંગારની વસ્તુઓ, દુપટ્ટા અને ભોજન અર્પણ કરાયું છે, જે માતા દુર્ગાના નવ સ્વરૂપોની પૂજાના રૂપે દર્શાવાય છે.
નવરાત્રીનો આ પવિત્ર ઉત્સવ હંમેશા માતા દુર્ગાની શક્તિ અને આશીર્વાદને પામવાનું એક મહાન સમારોહ છે. રાવલ પરિવાર દ્વારા આ ઉત્સવનો આકારણ્ય માત્ર પોતાના માટે નહિ, પણ સમાજના વંચિત વર્ગના કન્યાઓને પણ આદર આપીને ઉજવવામાં આવ્યો છે, જે ખરેખર સરાહનીય કાર્ય છે.
આવું પુણ્ય કાર્ય કરવાથી પરિવારમાં સુખ, શાંતિ અને સમૃદ્ધિ નો અભ્યારોપ થશે અને માતા દુર્ગાના આ અધ્યાત્મિક આશીર્વાદ તેમના પર હંમેશા બની રહેશે.
