0
0
વડોદરાઃ ભાજપમાં રહીને વારંવાર ભાજપનું નામ ખરાબ કરનારા વાઘોડિયાના ધારાસભ્ય મધુ શ્રીવાસ્તવે હવે નવી ડંફાસ મારી છે, વડોદરામાં સ્થાનિક સ્વરાજ્યની ચૂંટણીનો જંગ જામ્યો છે ત્યારે ભાજપ કાર્યાલયના ઉદ્ધાટન વખતે તેમને સ્ટેજ પરથી ડંફાસ મારતા કહી દીધું કે પોલીસ અને કલેક્ટર તંત્રને મારા ખિસ્સામાં લઇને ફરું છું કોઇની તાકાત નથી કે મારો કોલર પણ પકડી બતાવે.
મધુ શ્રીવાસ્તવના આ નિવેદનની ભાજપમાં જ ટીકા થઇ રહી છે તેઓ હવે અધિકારી ઓ પર હાવી થઇ રહ્યાં હોય તેમ લાગી રહ્યું છે અગાઉ પત્રકારોને ધમકી આપવાના મુદ્દે અને પોતાના પુત્રની અપક્ષમાંથી ઉમેદવારી કરવાના મુદ્દે તેઓ વિવાદમાં. આવી ચુક્યાં છે, સાથે જ તેઓ પોતાની પાર્ટી ભાજપના વિરોધમાં પણ નિવેદનો કરી ચુક્યાં છે. હવે તેઓએ કંઇ પણ વિચાર્યા વગરનું નિવેદન કરીને ડંફાસ મારી છે ત્યારે જોવું રહ્યું કે ભાજપ હવે તેમના વિવાદીત ધારાસભ્ય સામે કોઇ કાર્યવાહી કરી છે કે નહીં?
Views 🔥
